Aumentar o número e frecuencia do transporte público, reformulándoo para minimizar o uso do vehículo privado e crear unha conexión máis ampla e optimizada entre as diversas parroquias cos núcleos urbanos e destes entre si. Especialmente:

• Aumentar a frecuencia dos autobuses entre Bertamiráns e Compostela.
• Aumentar os horarios dispoñibles entre Bertamiráns e o Milladoiro.
• Ampliar os horarios na fin de semana.
• Ampliar as paradas das liñas que percorran as áreas rurais do concello.
• Etc.

Proposta recollida parcialmente en medidas do BNG en 2015. P.ex.:

Os nosos obxectivos serán a ampliación do transporte público e mellorar a súa calidade (horarios, frecuencias…), co obxectivo de facilitar a mobilidade da poboación e reducir o consumo enerxético e a contaminación.

Proposta asumida en 2015 polo PSdeG-PSOE.

Proposta asumida en 2015 por Pacto x Ames, aínda que sen detallar, e con esta redacción:

Programa de ampliación do transporte público: posibilidade de implantar liñas internas dentro do noso Concello encadrado no transporte metropolitano (ver apartado de mobilidade).

Noutro punto do programa propoñen:

En canto á mobilidade, desde PACTO x AMES facemos unha gran aposta polo transporte metropolitano, e propoñeremos diversas actuacións. Contemplamos a posibilidade de implantar liñas internas dentro do noso Concello (encadradas no transporte metropolitano), destinadas á comunicación efectiva entre as parroquias e o Milladoiro e Bertamiráns.
Do mesmo xeito, se non fose posible achegar posturas dentro da entidade que xestiona o transporte metropolitano, da que Ames forma parte, faremos un estudio de viabilidade para ver si é factible a implantación do transporte urbano.

Proposta recollida a grandes rasgos por Ames Novo en 2015:

3.2 POTENCIACIÓN DO USO DO TRANSPORTE PÚBLICO E RESPONSABILIDADE NO PRIVADO (…) AMPLIACIÓN DAS FRECUENCIAS HORARIAS (especialmente na fin de semana.)

• Incidencia positiva na creación de emprego.

• Ames pospetróleo: Estudo para un sistema de transporte público mediante microbuses.

Hai que engadir etiquetas