Wiki colaborativo de medidas para adaptarmos as nosas cidades e vilas ao mundo posterior ao Peak Oil
Versión
β.4 (03/2015)
Índice
Ofrecido por
Coa participación de
Outros webs de interese
Contacta connosco en oficina EN asociacion-touda PUNTO org
Reforzar o comercio de proximidade, sobre todo o alimentar e de produtos de primeira necesidade. Contribuír ao estabelecemento de redes locais de subministro. Favorecer a apertura de comercios deste tipo de produtos nas parroquias rurais e nas urbanizacións onde viva un número importante de persoas, como Aldea Nova.
Eliminar os posibles apoios económicos que houber aos centros comerciais non integrados dentro das cidades e dependentes do coche, derivándoos cara ao apoio ao comercio de proximidade.
Proposta recollida en boa medida en 2015 polo BNG en varias das súas medidas incluídas no programa. Por exemplo:
Desde o Goberno Local termos como obxectivo estimular a actividade comercial dos principais núcleos de poboación do concello, fomentando o consumo nos establecementos comerciais de Ames por parte dos seus veciños e veciñas.
Ou estoutra:
Realizar campañas institucionais para promover os comercios e os produtos locais nos concellos do noso contorno. e mais a de Contribuír ao establecemento de redes locais de suministro, favorecendo a apertura de redes comerciais locais en parroquias e urbanizacións.
Proposta que en 2015 o PSdeG-PSOE afirmaba ter desenvolto durante os gobernos 2003-2011:
Viñemos reforzando o comercio de proximidade a través de Amorodo, non so co punto de venta onde estaban os productores senon co sistema de cestas —rede local de suministro— onde eran coñecidos polos consumidores. Tamén a través de todas as campañas de promoción do comercio local: Guía de Compras, Rede Calidade en Galego, animación na rúa ca chegada do bo tempo: Animación do Comercio na Rúa, Campañas Navideñas, etc).
Proposta recollida en 2015 en certa medida, no programa de Pacto x Ames:
AMES REFERENTE EN COMPRAS: Podemos presumir de ter un tecido comercial envexable: contamos cun pequeno comercio capaz de atraer novos visitantes, emprendedores e consumidores selectos, que foxen dos grandes centros comerciais, polo que debemos darlle o máximo respaldo.
Proposta asumida en 2015 por Ames Novo nestes termos:
Potenciar o consumo local responsable, potenciando o asentamento de mercados de alimentos de proximidade.
Incidencia positiva na creación de emprego. Aumento da resiliencia xeral da cidade. Favorecerá un menor uso do coche.
Evitará problemas de desprazamento e transporte cando o prezo do combustible sexa prohibitivo.
Hai que engadir etiquetas
